Штогод у трэцюю нядзелю чэрвеня сваё прафесійнае свята адзначаюць усе работнікі медыцыны. У гэтым годзе супрацоўнікаў медыцынскай сферы г. Івацэвічы павіншавалі напярэдадні, ў пятніцу 15 Чэрвень 2018г., у раённым Доме культуры горада Івацэвічы.

Для ўсіх прысутных правялі ўрачысты сход і канцэрт, падрыхтаваны артыстамі мастацкай самадзейнасці з удзелам Музычнага тэатра Рада.

У гэты дзень на тварах медыцынскіх работнікаў, апранутых у святочныя ўборы, ззялі ўсмешкі. Падчас урачыстай часткі мерапрыемства іх павіншавалі кіраўнікі і ўзнагародзілі граматамі і дыпломамі за выдатную працу.